Wat is Skuld Hersiening?

Die nuwe Kredietwet 34 van 2005 (in werking vanaf 1 Junie 2007) het teweeg gebring dat dit vir Jan-Publiek nou moontlik is om ‘n derde opsie te oorweeg wanneer sy skuld te veel is om te hanteer.  In die verlede was die opsies:  Administrasie of Sekwestrasie.  Vandag is daar ook Skuldhersiening. Dit is ‘n minder traumatiese opsie en ook die eerste opsie waarna die Magistraat kyk voordat hy iemand Administreer of Sekwestreer.

Dit behels die volgende:

• Die aansoeker moet oorbeskuld wees (of feitlik daar) om vir die program te registreer
• Die aansoeker moet by ‘n Skuld Berader (soos myself) aansoek doen vir skuld hersiening
• Daar word ‘n inskrywing op sy krediet rekord gemaak wat sê dat hy aansoek gedoen het vir skuld hersiening en wanneer ek bepaal het dat hy wel kwalifiseer vir die program, word daardie inskrywing verander sodat dit bevestig dat die aansoeker geregistreer is op die skuld hersieningsprogram .Dit beteken ook dat die skuldeiser geen huis of kar of meubels of wat ookal mag kom terugvat nie.
• Ek en die aansoeker werk ‘n nuwe begroting uit (wat natuurlik ‘n beter nagrus sal insluit)
• Ek onderhandel met sy skuldeisers vir ander, meer bekostigbare, paaiemente of afbetalings en hulle moet dit aanvaar (of nie)
• As hulle nie wil aanvaar nie, kan ek ‘n ander voorlegging maak (met ander paaiemente) en as een van die skuldeisers dit dan nie wil aanvaar nie, gaan ons hof toe (dit gebeur net by uitsondering)
• Ek reël ‘n nuwe debietorder (op ‘n nuwe bankrekening wat hy moet oopmaak) en hy begin betaal met die eerste salaris betaaldag nadat ons die proses aan die gang gesit het.
• Wanneer hy al sy skuld afbetaal het, word die inskrywing op sy naam by die Krediet Buro totaal uitgewis en sy naam is SKOON.  Daar sal nie eers ‘n spoor van ‘Under Debt Review’ oorbly nie. You Die aansoeker moet oorbeskuld wees (of feitlik daar) om vir die program te registreer

Ek doen my bes om mense te help om, sovêr moontlik, hulle huis en/of kar te hou.  Daar is sekere gevalle waar dit sal nodig wees om te verkoop, maar dit is ‘n saak-tot-saak ding. As hy mooi saamwerk, behoort hierdie proses vir hom, op die ou end, groot en lekker sappige vrugte af te werp.

Dit is nie iets om oor skaam te voel nie.  Daar is oor die 6 miljoen mense (volgens opnames in 2007) in SA wat oorbeskuld is en wat nie al hulle maandelikse uitgawes kan bybring nie.  Hierdie proses gaan so ‘n persoon verseker help.  En daar is geen rede om te bekommer dat mense gaan uitvind:  al wie gaan weet is die Krediet Buro, die skuldeiser, ek en die aansoeker.

© 2008 Boekevat cc